စစ်တပ်နှင့်အတူ(၂)/ ဝေစည် (25.9.2017).

စစ်တပ်နှင့်အတူ(၂)

ရခိုင်အရေးသတင်းအမှားတွေ ကမ္ဘာအနှံ့ ပျံ့နေပြီလို့ နိုင်ငံတော်အတိုင်ပင်ခံကပြောတယ်။ တချိန် တည်းလောက်မှာဘင်္ဂါလီအစွန်းရောက်အကြမ်းဖက်လို့ တရားဝင်သုံးနှုံးနေရာက ဘင်္ဂါလီဆိုတာကိုသတင်းထုတ်ပြန်ရေးအဖွဲ့က ဖြုတ်ပစ်လိုက်တယ်။ (ဒါပေမဲ့ Eleven Media ကတော့ ဒီနေ့ထိသုံးနေတုန်းပဲ) အနောက်လစ်ဘရယ်အုပ်စုနဲ့ ဝေးသထက်ဝေးမှာစိုးတဲ့အတွက် မေမေကအင်မတန်လှတဲ့အကွက်တွေနဲ့ အဆုတ်အတက် လုပ်ကြည့်နေပုံပါပဲ။ 
အဲဒီကာလတွေမှာပဲ AA ကိုစစ်တပ်ကတိုက်တယ်။ စစ်တပ်ပိုင်မြ၀တီအွန်လိုင်းစာမျက်နှာကနေ ဘင်္ဂါလီတွေကိုဖေါက်ခွဲရေးသင်တန်းပေးနေတာ KIA ဆိုတဲ့အကြောင်းဆောင်းပါး(ခေါင်းစဉ်တော့မေ့နေပြီ) တက်လာတယ်။ မိနစ်ပိုင်းအတွင်းပဲ ပြန်ဖြုတ်ချသွားတယ်။ ARSA နဲ့ တပြည်လုံးကလက်နက်ကိုင်တော်လှန်ရေးအင်အားစုတွေကိုဇာတ်ညွှန်းခွဲချိတ်ဆက်ပေးချင်တဲ့သဘောတွေ့ရတယ်။ Timmingလွဲသွားလို့ ပြန်ပြုတ်သွားတာဖြစ်မယ်။ 
အဲ့သလိုပဲTimmingလွဲသွားပြီး ပြန်ဖြုတ်ချလို့မရတဲ့ လုပ်ရပ်တစ်ခုကိုလည်းစစ်တပ်က ကျူးလွန်လိုက် သေးတယ်။ ဘာလဲဆိုတော့ မြို့တော်ခန်းမရှေ့တရားပွဲကို ၀ီရသူထွက်ရပ်လိုက်တာပဲ။ ၀ီရသူက ပြူးပြူးပြဲပြဲ၊ လက်ရုံးတွေဆန့်တန်းပြီးအစိုးရနဲ့လွှတ်တော်ကိုဆဲရေးတယ်။ စစ်တပ်ကိုဦးခိုက်တယ်။ စစ်တပ်ရဲ့ အဲဒီတွက်ဆမှုအမှားကြောင့် အတိုင်ပင်ခံနည်းနည်းသက်သာရာရသွားတာဖြစ်တယ်။ ၀ီရသူနဲ့မဘသကို ပြည်သူတွေကအော့နှလုံးနာနေကြတာမို့လား။ 
တချို့ပြောကြတာရှိတယ်။ အတိုင်ပင်ခံဟာညှပ်တိုက်တာခံနေရတယ်တဲ့။ မဟုတ်ပါဘူး။ အတိုင်ပင်ခံကိုစစ်တပ်ကလွဲလို့ ဘယ်သူမှ မတိုက်ပါဘူး။ စစ်တပ်ကလွဲလို့ ကျန်သူတွေဟာတရားကိုဆုပ်ကိုင်ပြီးမတရားကိုတိုက်နေကြတာဖြစ်ပါတယ်။ ဓမ္မကိုဆုပ်ကိုင်ပြီးအဓမ္မကိုထိုးနှက်နေကြတာသာ ဖြစ်ပါတယ်။ ဓမ္မဘက်ကရပ်ရင်တော့ မည်သူမဆိုတိုက်ဖော်တိုက်ဖက်ပေါ့။ အဓမ္မဘက်ကရပ်ရင်တော့ အတိုင်ပင်ခံမကလို့ ဘယ်သူပဲဖြစ်ဖြစ်ထိုးနှက်ခံရမှာပေါ့။ နောက်ပြီး ၂၀၀၈ ခြေဥနဲ့ ကိုယ့်ကိုယ်ကိုယ်ခြေမန်းကွင်းစွပ်ခဲ့တာအတိုင်ပင်ခံကိုယ်တိုင်ပါ။ စစ်ဗိုလ်တမတ်သားနဲ့ ညောင်ပင်တစ္ဆေကစားချင်ခဲ့တာအတိုင်ပင်ခံပါ။ ဒီရခိုင်ကိစ္စမှမဟုတ်ဘူး။ အတိုင်ပင်ခံကိုယ်တိုင်စစ်တပ်နဲ့အတူအလိုတူအလိုပါလုပ်ခဲ့တဲ့ကိစ္စတွေအများကြီးရှိပါတယ်။ နမူနာအနည်းငယ်ထုတ်ပြပါ့မယ်။ NLD အာဏာမရခင်အတိုင်ပင်ခံလွှတ်တော်အမတ်ဘ၀က သမဂ္ဂဆိုတဲ့စကားလုံးကိုအပြင်းအထန်ဆန့်ကျင်ခဲ့တာရှိတယ်။ လွှတ်တော်ထဲမှာ NLD အမတ် ဖြိုးဇေယျသော် ဆောင်ရွက်ခဲ့တယ်။ (အတိုင်ပင်ခံခွင့်မပြုဘဲသူလုပ်လို့ကိုမရဘူး) မကြာသေးမီကတကသအဆောက်အဦးပြန်လည်တည်ဆောက် ရေးကိစ္စ၊ ဒါလည်းအတိုင်ပင်ခံမီးစိမ်းပြ၊ နှပ်ကြောင်းပေးတာပဲ။ ခုလတ်တလော ၆၆(ဃ)ကိစ္စ၊ NLD အမတ်တွေ သိပ်မလှုပ်ကြတာနဲ့ ရှိရင်းစွဲနဲ့ သိပ်မခြားဘဲတည်တံ့သွားပြန်တယ်။ ဒါလည်းသူ့စနက်ပဲ။ ဘယ်လိုမှ ငြင်းမရဘူး၊ အထင်ရှားဆုံးတချက်ကတော့ စစ်ရာဇ၀င်ကောင် ပါးကွက်အာဏာသားဇော်ဌေးကိုသူ့အနားခေါ်ထားတာပဲ။ ဒါဟာမြွေပွေးခါးပိုက်ပိုက်ဆိုတာထက်လမ်းချင်းတူလို့ လူချင်းတွေ့တာမျိုးဖြစ်ဖို့များပါတယ်။ မေမေ့အကွက်တွေ စွမ်းလှ။မှုးဇော်ကြီးကိုခေါ်ထိန်းထားလိုက်တယ်ဆိုပြီးတော့တော့မလုပ်ကြနဲ့နော်။ မေမေနဲ့မှူးဇော်မှာဘယ်သူကဘယ်သူ့ကိုလိုရာစေနေတယ်ဆိုတာလက်ငင်းအခြေအနေကိုကြည့်လိုက်ရင်ရှင်းပါတယ်။ (UN အစည်းအဝေးမေမေမတက်ဖြစ်တဲ့အကြောင်းတောင်ပြည်သူကိုမှုးဇော်ကရှင်းပြနေပါတယ်။ မေမေ့ကိုယ်ပွားကျနေတာပဲ) ဒါနမူနာထုတ်ပြရုံလောက်ရှိသေးတာပါ။ အတိုင်ပင်ခံကိုပိုတွက်ခဲ့ကြတာနှစ်ပေါင်းများစွာပါ။ ပိုတွက်တဲ့ကိစ္စကြီးကအမှားကြာလို့အမှန်ဖြစ်လာနေသလိုပဲ။ဆက်မမှားကြဖို့အချိန်တန်ပြီထင်ပါတယ်။ 
စစ်တပ်နဲ့လမ်းခွဲချင်ယောင်ဆောင်ခဲ့သူတွေအကြောင်းတင်ပြပါဦးမယ်။ စစ်တပ်ရဲ့ပဲ့ကိုင်ဟောင်း၊ အတိုင်ပင်ခံရဲ့ မဟာမိတ်သစ်အဖြစ်ကျော်ကြားတဲ့ ဗိုလ်ရွှေမန်းဂိုဏ်သားတွေအကြောင်းပေါ့။ ရခိုင်ပြဿနာတွေပေါ်တော့ ဗိုလ်ရွှေမန်းကသူ့ Fbကနေရခိုင်အရေးမှာဘင်္ဂါလီတွေကိုသတ်ကွ၊ချကွဆိုပြီးအလွန်အကျွံ မရေးကြဖို့နဲ့ လုံခြုံရေးတပ်ဖွဲ့ဝင်တွေရဲ့လုပ်ကိုင်ဆောင်ရွက်နေမှုတွေကိုအားပေးထောက်ခံကြဖို့ရေးတယ်။ ရုတ်တရက်ကြည့်လိုက်ရင် အမုန်းစကားတွေကိုတားသလိုလိုနဲ့ စစ်တပ်လုပ်တာမှန်သမျှ ထောက်ခံကြဖို့ပြောတာပါပဲ။ နောက်ရခိုင်တိုင်းမှူးဟောင်းကိုကိုနိုင်၊(လက်ရှိဗိုလ်ရွှေမန်းကော်မရှင်မှာပါသူ) မြန်မာသံတော်ဆင့်ဂျာနယ်ကသူ့ကိုအင်တာဗျူးတော့ ရခိုင်မှာစစ်တပ်လုပ်တာ၊လုပ်ခဲ့တာအားလုံးမှန်တယ်ဆိုတဲ့သဘောပြောတာပါပဲ။ နောက် သူရအောင်ကို၊သူပြောတာလည်းမရှင်းမရှင်းပါ။ 
ဗိုလ်ရွှေမန်းဂိုဏ်း၊ စစ်တပ်နဲ့ ကြံ့ဖွံ့ကပဲထွက်လာတာ။ဒီမိုကရေစီကိုနှစ်လိုမြတ်နိုးလွန်းလို့မဟုတ်ဘူးဆိုတာသေချာသထက်သေချာသွားပါတယ်။ သူတို့ချင်းစားခွက်လု၊ခွက်စောင်းခုတ်ဇာတ်လမ်းမဖုံးနိုင်မဖိနိုင်ပေါ်ထွက်လာတာပဲဖြစ်ပါတယ်။ စစ်အာဏာရှင်စနစ်နဲ့လမ်းခွဲခဲ့ကြတာမဟုတ်ပါဘူး။ သူတို့တွေ စစ်တပ်ထဲရှိစဉ်က ပြည်သူအပေါ်အမှားများစွာ ကျူးလွန်ခဲ့ကြပါတယ်။ အဲဒါတွေနဲ့ပတ်သက်ပြီးအများရှေ့မှာတရားဝင် ထုတ်ဖော်ဝန်ခံတာ ဘယ်သူများ ကြားဖူးပါသလဲ။ဒါကိုပဲဒီမိုကရေစီသူရဲကောင်းကြီးတမျှ ချီးမြှောက်ကြရတာအမော။အိမ်ကထမင်းချိုင့်ဆွဲလာပြီးပွဲတော်ဆက်ရတာအမော။ သူတို့သာစစ်စစ်မှန်မှန်ဒီမိုကရေစီဘက်ကိုကူးပြောင်းကြမယ်ဆိုပွဲပြတ်တာကြာပါပြီ။ သူတို့မှမဟုတ်ပါဘူးလေ။ စစ်အုပ်စုထိပ်သီးပိုင်းကဘယ်စစ်ဗိုလ်တစ်ဦးတစ်ယောက်မှ ဒီမိုကရေစီဘက်ကိုပီပီပြင်ပြင်ကူးပြောင်းခဲ့တာမရှိပါဘူး။ အရေးကြီးတဲ့အချိုးအကွေ့ရောက်ပြီလားဆိုသူတို့ရဲ့ အနုသယကိလေသာဖြစ်တဲ့ စစ်ဇာတိရုပ်ကပေါ်လာတော့တာပါပဲ။ အရေးကြီးပြီ-သွေးစည်းကြစို့ဆိုတဲ့ဆောင်ပုဒ်ကိုကျနော်တို့ဒီမိုကရေစီအင်အားစုတွေ မကျင့်ကြံနိုင်သလောက်၊ စစ်အုပ်စုကအပြည့်အ၀ကျင့်သုံးနိုင်ခဲ့ပါတယ်။ အခုရခိုင်ကိစ္စမှာလည်း စစ်အုပ်စုဝင်အဟောင်း၊ အသစ်အားလုံးစစ်တပ်နဲ့အတူပါ။ 
ရှေ့ကိစ္စတချို့နည်းနည်းပြန်ကောက်ပါရစေ။ရခိုင်ပြဿနာစခါစမှာ မြိုလူမျိုးရှစ်ယောက် အသတ်ခံရတာရှိပါတယ်။ ဘယ်သူဘယ်ဝါလက်ချက်ရယ်လို့ အထောက်အထားနဲ့တရားဝင်မဖော်ထုတ်နိုင်ခင်မှာပဲဘင်္ဂါလီအကြမ်းဖက်တွေလက်ချက်လို့စစ်တပ်ကတန်းပြောခဲ့ပါတယ်။ ခုထိလည်းအထောက်အထားမပြနိုင်ပါဘူး။ မကြမ်းဖက်အဖွဲ့တွေထဲမယ် INGO, NGO အဖွဲ့ဝင်တွေပါနေတယ်၊ ဖော်ထုတ်အရေးယူမယ်ဆိုပြီးဒီနေ့ထိသက်သေတစ်စုံတစ်ရာမပြနိုင်သေးတာလည်းစစ်တပ်ပါပဲ။ သူတို့မှမလုပ်လို့ဘယ်သူလုပ်မလဲဆိုတဲ့ အရပ်စကားမျိုးတော့ လွယ်လွယ်မပြောသင့်ပါဘူး။ တိုင်းရင်းသားဒေသတွေ၊ စစ်ဆင်ရေးနယ်မြေတွေမှာလူသတ်၊ မုဒိန်းကျင့်၊ မီးရှို့လုပ်နေတာ၊ လုပ်ခဲ့တာစစ်တပ်ပါ။ အထောက်အထားတွေ၊ သက်သေခံအချက်အလက်တွေအခိုင်အမာရှိပါတယ်။ ဗမာပြည်မှာသူတို့မှမလုပ်လို့ဘယ်သူလုပ်မလဲဆိုပြီးကောက်ချက် ချနိုင်တာ၊ ချလို့ရတာစစ်တပ်အပေါ်မှာပဲရှိပါတယ်။

ဝေစည် (25.9.2017)